பங்கு வெளியீட்டில் 4 கிராமப்புற வங்கிகள்


மத்­திய அரசு, முதன் முறை­யாக, நான்கு பிராந்­திய கிரா­மப்­புற வங்­கி­க­ளின் புதிய பங்கு வெளி­யீட்­டிற்கு அனு­மதி அளிக்க உள்­ள­தாக, தக­வல் வெளி­யா­கி­யுள்­ளது. கிரா­மப்­புற சிறு விவ­சா­யி­கள், வேளாண் கூலித் தொழி­லா­ளர்­கள், பெண்­கள், கைவி­னை­ஞர்­கள் ஆகி­யோ­ருக்கு, கடன் உள்­ளிட்ட வச­தி­களை அளிக்­கும் நோக்­கில், பிராந்­திய கிரா­மப்­புற வங்­கி­கள் உரு­வாக்­கப்­பட்­டன. உத்­தர பிர­தேச மாநி­லம், முரா­தா­பாத் மாவட்­டத்­தில், 1975, அக்., 2ல், ‘பிர­தமா பேங்க்’ என்ற முதல் கிராம வங்கி துவக்­கப்­பட்­டது. இதை­ய­டுத்து, 2005 மார்ச் வரை, 196 கிராம வங்­கி­கள் துவக்­கப்­பட்­டன.அதன் பின், இணைப்பு நட­வ­டிக்­கை­கள் கார­ண­மாக, வங்­கி­கள் எண்­ணிக்கை படிப்­ப­டி­யாக குறைந்து, தற்­போது, 56 ஆக உள்­ளது. இவை, 4.70 லட்­சம் கோடி ரூபாய் சொத்து மதிப்பை கொண்­டுள்­ளன. இவற்­றில், 50 வங்­கி­கள் லாப­க­ர­மாக இயங்கி வரு­கின்­றன. இந்த கிராம வங்­கி­களில், மத்­திய, மாநில அர­சு­கள், ‘ஸ்பான்­சர்’ வங்­கி­கள் ஆகி­ய­வற்­றின் பங்கு மூல­த­னம், முறையே, 50, 35 மற்­றும் 15 சத­வீ­த­மாக உள்­ளது. ‘இவ்­வங்­கி­க­ளின் நிதி­யா­தா­ரத்தை பெருக்கி, கிரா­மப்­புற மக்­க­ளுக்கு மேலும் மேம்­பட்ட சேவை­களை வழங்­கும் நோக்­கில், அவற்­றின் பங்கு வெளி­யீட்­டிற்கு அனு­மதி அளிக்­கப்­படும்’ என, நடப்பு, 2018 – 19ம் நிதி­யாண்டு மத்­திய பட்­ஜெட்­டில், அறி­விப்பு வெளி­யி­டப்­பட்­டது. அதன்­படி, நல்ல நிதி­வ­ளத்­து­டன், நவீன தொழில்­நுட்ப வச­தி­யுள்ள, நான்கு கிராம வங்­கி­களை, மத்­திய அரசு தேர்வு செய்­துள்­ளது. இது குறித்து, மத்­திய நிதி­ய­மைச்­சக அதி­காரி ஒரு­வர் கூறி­ய­தா­வது: பிராந்­திய கிரா­மப்­புற வங்­கி­க­ளின் பங்கு வெளி­யீடு தொடர்­பான விதி­மு­றை­களை உரு­வாக்­கும் பணி முடி­வ­டைந்­துள்­ளது. முத­லீட்­டா­ளர்­கள் வகை­யறா, பங்கு ஒதுக்­கீடு குறித்த அம்­சங்­கள் இறுதி செய்­யப்­பட்­டுள்­ளன. சிறந்த நிர்­வா­கம், நிதி­யா­தா­ரம் உள்­ளிட்ட அம்­சங்­க­ளின் அடிப்­ப­டை­யில், நான்கு கிரா­மப்­புற வங்­கி­கள், பங்கு வெளி­யீட்­டிற்கு தேர்­வா­கி­யுள்­ளன. புதிய பங்கு வெளி­யீடு குறித்த அதி­கா­ர­பூர்வ அறி­விப்பு விரை­வில் வெளி­யா­கும். பங்கு வெளி­யீட்­டிற்கு பின்­ன­ரும், மத்­திய, மாநில அர­சு­கள் மற்­றும் இதர வங்­கி­க­ளின் பங்கு மூல­த­னம், 51 சத­வீ­தத்­திற்கு குறை­யா­மல் இருக்­கும். அத­னால், பிராந்­திய கிராம வங்­கி­கள் மீதான மத்­திய, மாநில அர­சு­க­ளின் கட்­டுப்­பாட்­டில், மாற்­றம் இருக்­காது. இவ்­வாறு அவர் கூறி­னார். பல்­ல­வன் – பாண்­டி­யன்:

தமி­ழ­கத்­தில், பல்­ல­வன், பாண்­டி­யன் என, இரு பிராந்­திய கிராம வங்­கி­கள் உள்­ளன. சேலத்­தில் தலை­மை­ய­கத்தை கொண்ட, பல்­ல­வன் கிராம வங்கி, 15 மாவட்­டங்­களில், 256 கிளை­க­ளு­டன் இயங்­கு­கிறது. இதன், ‘ஸ்பான்­சர்’ வங்­கி­யாக, இந்­தி­யன் பேங்க் உள்­ளது. பாண்­டி­யன் வங்­கி­யின் தலைமை அலு­வ­ல­கம், விரு­து­ந­க­ரில் உள்­ளது. இவ்­வங்கி, 16 மாவட்­டங்­களில், 327 கிளை­கள் மூலம், சிறு விவ­சா­யி­கள், கைவி­னை­ஞர்­கள், மக­ளிர் சுய உதவி குழுக்­க­ளுக்கு நிதிச் சேவை வழங்­கு­கிறது. இவ்­வங்­கி­யில், இந்­தி­யன் ஓவர்­சீஸ் பேங்க், 15 சத­வீத பங்கு மூல­த­னத்தை கொண்­டுள்­ளது.

(Source: Dinamalar)


1 view0 comments