பணி நியமனத்திற்கான முடிவை IBPS அறிவித்திருந்தாலும் பணி நியமனம் செய்யாமல் கால தாமதிக்கும் கிராம வங்கி


கண்முன்னே மனிதர்கள் அவதிப்பட்டுக்கொண்டு இருந்தாலும் எந்தச் சலனமும் இல்லாமல் பார்த்து விட்டு தன் காரியத்தை தொடர்வது என்பது நிர்வாகங்களின் பொதுவான குணமாக இருக்கிறது. தொழிலாளர்களுக்கு ஆயிரத்தெட்டு நியாயங்களையும், ஒழுங்குகளையும் விதிக்கிற, வலியுறுத்துகிற நிர்வாகங்கள், அவைகளை பெரும்பாலும் கடைப்பிடிப்பதில்லை.

கிராம வங்கிகளில் 2018ம் ஆண்டிற்கான பணியிடங்கள் அறிவிக்கப்பட்டு, IBPS (Institute of Banking Personnel Selection) மூலம் கிராம வங்கிகளில் பணி நியமனத்திற்கான எழுத்துத் தேர்வு, நேர்முகத் தேர்வு எல்லாம் முடிந்து தேர்ந்தெடுக்கப்பட்டவர்களுக்கான லிஸ்ட்டும் IBPS மூலம் இறுதி செய்யப்பட்டு விட்டது. அந்தந்த கிராம வங்கி நிர்வாகங்களுக்கும், தேர்ந்தெடுக்கப்பட்டவர்களுக்கும் முடிவுகள் தெரிவிக்கப்பட்டு விட்டது.

அந்தந்த கிராம வங்கி நிர்வாகங்கள், தங்கள் வங்கிகளுக்கு அப்படி தேர்ந்தெடுக்கப்பட்டவர்களுக்கு கடிதம் அனுப்பி, அவர்களது சர்டிபிகேட்களை சரிபார்த்து பணிக்கு அமர்த்த வேண்டிய ஒரே காரியம்தான் மீதமிருக்கிறது.

இந்தியாவில் உள்ள மற்ற கிராம வங்கிகளில் பல கிராம வங்கிகளில் 2018ம் ஆண்டிறகான பணி நியமனம் நடந்து முடிந்திருக்கின்றன, நடந்து கொண்டிருக்கின்றன.

தமிழ்நாட்டில் உள்ள பாண்டியன் கிராம வங்கியிலும், பல்லவன் கிராம வங்கியிலும் இந்த பணி நியமனம் நடத்தப்படவில்லை. கேட்டால் ’ஏப்ரல் 1ம் தேதியிலிருந்து இரண்டு வங்கிகளும் ஒன்றிணைக்கப்பட்டு தமிழ்நாடு கிராம வங்கியாகப் போகிறது, அதன் பிறகு பணிநியமனம் நடத்தலாம்’ என்று இரண்டு வங்கி நிர்வாகங்களின் தரப்பிலும் யோசிப்பதாக சொல்லப்படுகிறது.

ஆனால் அது ஆகாத காரியம். இரண்டு வங்கிகளும் ஒன்றிணைக்கப்பட்டால், உடனடியாகச் செய்ய வேண்டிய அலுவல்களும், காரியங்களும் பல இருக்கின்றன. மேலும் இரண்டு வங்கி ஊழியர்கள், அலுவலர்களின் சீனியாரிட்டி முறைப்படுத்தப்பட்டு வரிசைப்படுத்தப்பட வேண்டும். அதற்கு குறைந்த பட்சம் ஆறிலிருந்து ஒன்பது மாதங்கள் வரை ஆகும். அதன் பின்னர்தான் 2018ம் ஆண்டிற்கான பணி நியமனம் குறித்து நிர்வாகம் யோசிக்கும். அதற்குள் 2019ம் ஆண்டிற்கான பணி நியமனப் பணிகளை IBPS முடித்து விட்டிருக்கும்.

இப்படியொரு பெரும் குழப்பமும், கால தாமதமுமாகும் என்பது நிர்வாகத்துக்கும் தெரியும். கிளைகளில் ஊழியர்கள் படும் அவஸ்தைகளும் நன்றாகவேத் தெரியும். இயற்கை அழைப்புக்குக் கூட எழுந்திரிக்க முடியாமல் வாடிக்கையாளர் சேவை செய்ய வேண்டிய சங்கடம் பல கிளைகளில் நிலவுகிறது. Casual leave கூட எடுக்க முடியாத அளவுக்கு ஆள் பற்றாக்குறை தாண்டவமாடுகிறது. லீவு கிடைக்காமல் திருமண நிச்சயம் தள்ளிப் போன அவலங்கள், மிக நெருங்கிய உறவினர்களின் நல்லது கெட்டதுகளில் பங்கேற்க முடியாமல் போன அவஸ்தைகள், கர்ப்பம் தரித்த பெண் ஊழியர்கள் ஒன்றரை மணி நேரம், இரண்டு மணி நேரம் பேருந்துகளில் தொடர்ந்து பயணம் செய்து கிளைகளுக்குச் செல்ல வேண்டிய சித்திரவதைகள் என ஊழியர்களின் பணி நிலைமைகள் துயரமும், வலியும் கொண்டதாக இருக்கின்றன.

இந்த மோசமான நிலையை 2018ம் ஆண்டிற்கான பணிநியமனம் செய்தால், ஓரளவுக்கு சரிசெய்யலாம். ஆனால் நிர்வாகம் அது குறித்து கவலைப்படவில்லை.

நிர்வாகம் 2018ம் ஆண்டிற்கான பணிநியமனத்தை காலம் தாழ்த்துவதற்குக் இரண்டு கிராம வங்கிகளின் ஒன்றிணைப்பை காரணமாகச் சொன்னாலும், உண்மையான காரணம் அதுவல்ல.

பல்லவன் கிராம வங்கியில், புதிதாகப் பணிக்கு சேர்கிறவர்களிடம் ஒரு service Bond வாங்கும் வழக்கம் இருக்கிறது. அதன்படி பணிக்குச் சேர்ந்த அலுவலர் ஒருவர் வங்கியை விட்டு ராஜினாமா செய்தால் இரண்டு லட்சம் வங்கிக்கு கட்ட வேண்டும். ஊழியர் ஒருவர் ராஜினாமாச் செய்தால் ஒரு லட்சம் கட்ட வேண்டும். இதை தண்ட வசூல் என்பதா அல்லது அபராதம் என்பதா?

பாண்டியன் கிராம வங்கியில்